‏معاون سیاسی و کفیل ریاست الوزرا در دیدار با مسئولین تمام واحدهای اداری لغمان گفت: بدون تبعیض و تفاوت به تمام مردم لغمان خدمت کنید.
کفیل ریاست الوزرا افزود که مجاهدین لغمان در برقراری نظام اسلامی نقش عمده داشت و اکنون نیاز است که تمام مجاهدین در رفاه لغمان انرژی شان را مصرف کنند.

په هرات کې د عاطفي بنسټ له لوري د یتیمو او بې وزله ماشومانو لپاره د تخنیکي او حرفوي زده کړو ورکشاپ پرانیستل شو.
د عاطفي بنسټ مرستیال عبدالظاهر ارشاد وویل، چې له دغه ورکشاپ څخه یې موخه ۱۰۰ یتیمو او اړمنو ماشومانو ته د خیاطۍ، بیکونو ګڼدلو او د موبايلونو د بیا جوړولو زده کړه ورکول دي، څو په راتلونکي کې له دې لارې عایدات ترلاسه کړي.
ارشاد زیاته کړه، دغه کورس شپږ میاشتې دوام کوي، چې د کورس له پای ته رسېدو وروسته زده کوونکو ته د فراغت سندونه هم ورکول کېږي.
دا په داسې حال کې ده، چې دوه اوونۍ وړاندې هم د دغه بنسټ له لوري د غوريان ولسوالۍ ۱۰۰ يتيمو او اړمنو ماشومانو ته د تخنيکي او حرفوي زده کړو يو ورکشاپ جوړ کړی و.
د یادونې وړ ده، چې عاطفي بنسټ د حرفوي زده کړو، ښوونې او روزنې، له اړمنو سره مرسته، د ښوونځیو د ښوونکو د ظرفیت لوړولو او داسې نورو برخو کې فعالیت کوي.

د لوګر د پوهنې ریاست مسوولین وایي، چې د دې ولایت مرکز او ولسوالیو د اړوندو ښوونځیو ته څه باندې ۵ زره زده کوونکو سره د درسي موادو مرسته وشوه.
د یاد ولایت د پوهنې ریاست ویاند شاپور عرب باختر آژانس ته وویل، چې دغه مرسته د ملګرو ملتونو د ماشومانو ملاتړ صندوق (یونیسف) لخوا د دې ولایت ۲۷۶ ښوونځیو له ۵ زره ۴۲۰ زده کوونکو سره شوې، چې په کې ۱۰ قلمه اړین درسي توکي شامل دي، چې شاوخوا ۲۳ زره امریکایي ډالره ارزښت لري.
عرب زیاته کړه، چې په دې مرسته کې ۲۷۱ کېټه درسي توکي شامل دي، چې له لومړي څخه تر شپږم ټولګي زده کوونکو ته به ووېشل کېږي.

د کانونو او پټرولیم وزارت سرپرست، په کابل کې د چین له سفیر «وانګ یو» سره په کتنه کې، د عینک د مسو کان د کار د پیل په اړه خبرې وکړې.
باختر آژانس ته د کانونو او پټرولیم وزارت د مطبوعاتي دفتر د معلوماتو له مخې؛ په دې کتنه کې دواړو لوریو، په افغانستان کې د پانګونې د فرصتونو او په ځانګړې توګه د قشقري نفتو پروژې د استخراج پر فعالیت او پرمختګ او د عینک د مسو کان د کار د پېل په اړه خبرې وکړې.
د کانونو او پټرولیم وزارت سرپرست، د قشقري نفت او عینک مسو پروژې د افغانستان د خلکو او د دواړو هېوادونو لپاره مهمې بللې او د ټولنیزو خدمتونو په اړه چې د یادې پروژې په قرارداد کې شامل دي؛ خبرې کړې دي.
همدا رنګه، په کابل کې د چین سفیر، د هېواد په شمال کې د قشقري نفتي پروژې د ګازو د فعالیت او استخراج، مالي پلان او اداري او تخنیکي پلانونو په اړه معلومات ورکړي دي.
د کتنې په پای کې، د کانونو او پټرولیم وزارت سرپرست د پروژو د کار پر چټکتيا ټینګار کړی دی.

د سرپل د صنعت او سوداګرۍ آمریت مسوولین وايي، چې بې کیفیه توکو د راټولولو کمېټې له لوري د سرپل ښار له هټيو او درملتونونو څخه د ۳ ټنه تاریخ تېره خوراکي توکي او درمل راټول او سوځول شوي دي.
د دغه ولایت د صنعت او سوداګرۍ آمر باختر آژانس ته وویل، چې یادې کمېټې دغه توکي د یوې میاشتې په لړ کې راټول کړي، چې په کې ۹۸ قلمه درمل او خوراکي توکي شامل دي.
ایوبي زیاته کړه، چې اوسمهال هم په دغه ښار کې د بې کیبفته توکو او درملو د راټولو لړۍ روانه ده.