سکاټلنډي انجینرانو داسې روباټ جوړ کړی چې په اوبو کې د بادي برښنا سیستم ترمیم کولای شي او لامبو وهوونکو ته به اړتیا نه وي.

په هرېټ واټ پوهنتون کې څېړونکي باوري دي چې دا روباټ به په دې صنعت کې د سترو بدلونونو سبب شي او د لوړ خطر او ګران بیه هڅو بڼه به بدله کړي.

د دې روباټ جوړونکي وایي: ((موږ باید تصور وکړو چې، په لسو یا پنځلسو کلونو کې د بادي برښنا سلګونه سیستمونه ولرو؛ په دې مانا چې د بریتانیا په سمندر غاړو کې به زرګونه د بادي برښنا توربینونه وي.))

د توکیو په ګڼ نفوسه ښار کې، یو لوی ډیجیټلي سپی پر سکرینونو راڅرګند شو، ليدل کېده چې هر یو ساعت وروسته په بېلا بېلو سکرینونو کې یو ډیجیټلي سپی راڅرګندېږي او له یو سکرینه بل سکرین ته ځي.
یو مسافر د دې ډیجیټلي سپي په اړه وایي: (( لکه څنګه چې تاسو ګورئ، په شیبویا کې ډېر سکرینونه شته، مګر دې سکرینونو یوازې دوه بعدیزې بڼې درلودې او ټول خلک ورسره عادت شوي ول، اوس په درې بعدیزو سکرینونو کې اعلاناتو د ټولو پام ځانته اړولی دی.))

سږکال د جاپان په توکیو کې، په ۳ بعديزه ټکنالوژۍ جوړ شوي ډیجیټلي سپي خلک حيران کړي او تېر کال په ۴ بعدي ټکنالوژۍ جوړې شوې پیشو په ټولنیزو رسنیو ډېر شهرت پیدا کړی و.

"که یو څوک له ښو خلکو هم وېرېده؛ نو پوه شه! چې ډېرو نږدو دوستانو یې اعتبار ورمات کړی دی."