عاليقدر امیرالمؤمنین حفظه الله د کندهار په عینو مینه کې له ۳۵۰ بستریز روغتون څخه لیدنه وکړه.
ډاکټران يې وستایل او هغوی يې لا ډير تشویق کړل.
له طبي پرسونل او مریضانو سره يې نقدې مرستې وکړئ.
د شفاخانې ټولو ډاکټرانو، مریضانو او کارکونکوته يې ماښامنۍ (ډوډۍ) تهیه کړه.
ـــــــــــــــــــــــــــــــــــــــــــــــــ

عالیقدر امیرالمؤمنین حفظه الله، از شفاخانه ۳۵۰ بستر عینو مینه در ولایت قندهار دیدن کرد.
داکتران آن شفاخانه را ستود و آنها را بیشتر تشویق نمود.
با پرسونل طبی و مریضان آن شفاخانه کمک های نقدی کرد.
همچنان به تمام داکتران، مریضان و کارمندان شفاخانه غذای شام تهیه نمود.

اقتصادي خبرونه:
۱ـ د کانونو او پټرولیم وزارت ته لارښونه شوې چې د کشک – تیرپل احتمالي حوزې د جیوفزیکي سروې ګانو قرارداد آزادې داوطلبۍ ته وړاندې کړي. یاده نفتي حوزه د ۲۳ زره کیلومتر مربع مساحت په درلودو سره ټول‌ټال ۱۰ بلاکونه لري او د هرات او بادغیس ولایتونو ۱۳ ولسوالۍ رانغاړي.

۲ـ د اقتصادي معاونیت د استازي په مشرۍ دې له ملي دفاع، کورنیو چارو او مالیې وزارتونو او د استخباراتو لوی ریاست له مرستیالانو څخه متشکل هیئت د سټنډرډ ملي ادارې په ملتیا د هېواد بنادرو ته سفر وکړي او هلته دې د بې کیفیته تېلو او په ټانکرونو کې د سرباري موضوع په هر اړخیزه توګه وڅېړي.


۳ـ د عامه او خصوصي مشارکت له لارې د هرات ولایت ګذرې ولسوالۍ د مسافر وړونکو موټرو د ترمینل او فاریاب ولایت د آقینې بندر تیر پارک جوړولو پروژو طرحه د اقتصادي کمېسیون له لوري په اصولو کې تایید شوه. د دغې طرحې پر اساس به خصوصي سکټور د ټرانسپورټي اصولو سره سم د شاوخوا دوه میلیارده افغانیو په ارزښت پانګونه وکړي، چې سلګونو کسانو ته به د کار زمینه برابره شي.

۴ـ کندهار ولایت د نېش ولسوالۍ د فلورایټو کان د قراردادونو قېمتونه د اصلاح په موخه د اقتصادي کمېسیون تخنیکي کمېټې لخوا وڅېړلي شول او د یادو فلورایټو د في ټن لپاره ۱۵زره افغانۍ قېمټ وټاکل شو.

۵ـ د لغمان شاهي کانال پروژې د بشپړولو په اړه د اقتصادي کمېسیون له لوري د کرنې، اوبولګولو او مالدارۍ او اوبو او انرژۍ وزارتونو ته دنده وسپارل شوه، څو په ګډه د دغه کانال پاتې تخنیکي مطالعات ترسره او د یادې پروژې په تړاو خپلې دندې مشخصې کړي. د اقتصادي کمېسیون له لوري پرېکړه وشوه، چې د دغه کانال د جوړولو مصارف دې په پام کې ونیول شي.

۶ـ د جوزجان ولایت قوش تېپې او درزاب ولسوالیو ته د برېښنا رسولو په اړه پریکړه وشوه چې له مرکز شبرغان څخه یادو ولسوالیو ته له ترکمنستان څخه د راتلونکي برېښنا لین وغځول شي، څو هلته د مېشتو هېوادوالو ستونزې حل او صنعت ورسره وده وکړي.

۷ـ په تورخم بندر کې هېوادوالو ته د ښو خدماتو وړاندې کولو او لازمو سهولتونو رامنځته کولو په موخه اقتصادي کمېسیون پرېکړه وکړه، چې دغه ګمرک ته دې نږدې ۵۴۰ جریبه ځمکه مالیې وزارت ته تسلیم شي، څو هلته ټولو اړوندو ادارو ته کارځایونه جوړ شي.

۸ـ په خوست، پکتیا، پکتیکا او لوګر ولایتونو کې دې هغه وچ د سون لرګي چې اوسمهال په موټرو کې بار او یا له خلکو سره په کورونو کې پراته دي د یوې میاشتې په جریان کې په ضمانتي ډول د انتقال اجازه ورکړل شي، خو په راتلونکي کې به د یو جامع طرزالعمل له مخې د ځنګلو د وهل مخنیوی کیږي.

د عالیقدر امیر المؤمنین حفظه الله د فرمان له مخي د لوګر ولایت د علماوو شوری جوړه شوه.
د شرعي نصوصو پر اساس د اسلامي نظام د لا ټینګښت او پرمختګ لپاره د ديني علماوو څخه مشوره اخيستل شرعي امر دی، بناءً د لوګر ولایت د چارو د ښه سمون په موخه د عالیقدر امیرالمؤمنین حفظه الله د فرمان پر اساس لاندې علماء کرام او متنفذین د لوګر ولایت د علماوو شوری د مسئولینو او اعضاوو په توګه وټاکل شول.
1. شیخ محمد اسماعیل د حبیب الله زوی د رئیس په توګه.
2. مولوي عبدالرؤف خدام د خیر محمد زوی د مرستیال په توګه.
3. شیخ خان محمد د ګل محمد زوی د غړي او د اداري او مالي مسئول په توګه.
4. مولوي پیر محمد د رحیم خان زوی د غړي په توګه.
5. مفتي ضیاء احمد د فداء محمد زوی د غړي په توګه.
6. شیخ عبدالرب د عبدالخالق زوی د غړي په توګه.
7. شیخ نعمت الله د شیرګل زوی د غړي په توګه.
8. مفتي سیف الرحمن د عبدالرحمن زوی د غړي په توګه.
9. مولوي محمد شریف د سید انور زوی د غړي په توګه.
10. مولوي عبدالواحد د عبدالخالق زوی د غړي په توګه.
11. شیخ عزت الله د حبیب الله زوی او د عبدالله لمسی د غړي په توګه.
12. مولوي عبدالرحمن د عبدالله جان زوی د غړي په توګه.
د لوګر ولایت د علماوو شوری مسئولین او اعضاء مکلفیت لري چي د خپلي لائحې سره سم د همدې ولایت د چارو د ښه سمون لپاره او د محول شویو موضوعاتو په هکله د ولایت اړوندو مسئولینو ته د شریعت په رڼا کي مشورې ورکړي او د ولایت مسئولین مکلف دي، چي د علماوو شوری پر مشورو باندي د دوی د لائحې مطابق عمل وکړي او د لائحې په اجراء کي هم پوره کوښښ وکړي.

په افغانستان کې د زندانونو په اړه د یوناما راپور ناسم او پروپاګند دی
یوناما راپور خپور کړی چې ګنې د افغانستان په توقیف خونو او زندانونو کې له بندیانو سره ناوړه چلند کیږي او زور زیاتی روان دی.
موږ دغه پروپاګند په کلکه ردوو.
د توقیف خونو او زندانونو په ګډون د اسلامي امارت په هيڅ یوه نظامي یا ملکي اداره کې هم د چا د وهلو ټکولو، ربړولو او ځورولو اجازه نشته.
د اسلامي امارت زعیم د نظام په ټولو برخو کې بې د محکمې له حکم څخه وهل ټکول او ځورول منعه کړي او ټولې ادارې د دغه فرمان په تعمیل باندې مکلفې دي.
د اسلامي امارت په زندانونو کې د بندیانو لپاره ټول خدمات شته، روزنه ورکول کیږي، حرفوي زدکړې ورکول کیږي، ښه امکانات ورته برابر شوي او هيڅ بندي له کړاو سره مخ نه دي.
د تأسف ځای خو دادی چې د همدې یوناما تر نظر لاندې د اشغال په وخت کې په بګرام، پلچرخي او نورو ولایتي زندانونو کې زرګونه افغانان بې له کوم جرم او دلیل څخه بندیان وو، له ټولو انساني حقوقو څخه بې برخې وو، او له سختو شکنجو او ربړونو سره مخ وو، اوس چې وضیعت فوق العاده بدل اوښه شوی، د بندیانو وهل ټکول او ځورول نشته، ټول امکانات ورته رسیږي، له خپلوانو سره يې لیده کاته کیږي.
په داسې حال کې بیا هم په دې مورد ناوړه تبلیغات خپرول او د اسلامي نظام پسې پروپاګند کول، عقده يي چلند دی چې باید متوقف کړای شي.
ذبیح الله مجاهد د افغانستان اسلامي امارت ویندوی
۵/۳/۱۴۴۵هـ ق
۲۹/۶/۱۴۰۲هـ ش ــ 2023/9/20 م

نن کابل د علماء کرامو او ولسي سپين ږیرو دسترې غونډې کوربه دی.
د ملت په یو والي، پرمختګ او د ملت او نظام تر مينځ په لا هماهنګۍ ترکیز کیږي.

امروز در کابل یک نشست بزرگ علماء کرام و متنفذین قومی جریان دارد.
در آن بر وحدت ملت، پیشرفت ها و همآهنگی بیشتر بین نظام و مردم ترکیز خواهد شد.