د سمنګان ولایت په خلم ولسوالۍ کې په دوو جلا ترافیکي پېښو کې څلور کسان شهیدان او یو بل ټپي شوی دی.

لومړۍ پېښه د شباغلي کوتل پر لاره د کرولا او هینو موټرو د ټکر له امله رامنځته شوې، چې په پایله کې یې درې کسان شهیدان او یو بل ټپي شوی دی.

په دویمه پېښه کې د خواجه غایب په سیمه کې یو ټکسي کرولا له سړک څخه اوښتې، چې له امله یې یو کس شهید شوی دی.

د پېښو لاملونه د موټرچلوونکو بې‌احتیاطي او له حده زیات سرعت بلل شوي دي.

د ټولګټو وزیر ملا محمد عیسی ثاني کاپیسا ولایت ته د سفر پر مهال د نجراب، اله‌سای او تګاب ولسوالیو د ۴۵.۷ کیلومتره سړکونو د اساسي رغونې له کاري بهیر څخه لیدنه او ارزونه کړې ده.

د یاد وزارت د معلوماتو له‌مخې، ښاغلي ثاني د پروژو د لیدنې پر مهال تطبیق کوونکو ټیمونو او د قراردادي شرکتونو مسولینو ته د چارو د چټکتیا، کیفیت او ساختماني معیارونو د رعایت سپارښتنې کړې دي.

د ټولګټو وزیر ملا محمد عیسی ثاني کاپیسا ولایت ته د سفر پر مهال د نجراب، اله‌سای او تګاب ولسوالیو د ۴۵.۷ کیلومتره سړکونو د اساسي رغونې له کاري بهیر څخه لیدنه او ارزونه کړې ده.

د یاد وزارت د معلوماتو له‌مخې، ښاغلي ثاني د پروژو د لیدنې پر مهال تطبیق کوونکو ټیمونو او د قراردادي شرکتونو مسولینو ته د چارو د چټکتیا، کیفیت او ساختماني معیارونو د رعایت سپارښتنې کړې دي.

ایران اعلان کړی، چې د دغه هېواد د بالستیک توغندیو پر ۲ زره کیلومترو واټن لګېدلی محدودیت یې لغوه کړی دی.

د سپاه پاسداران ویاند حسین محبي په تهران کې یوې خبري غونډې ته ویلي، چې د ایران د توغندیو د واټن دغه محدودیت نور پر ځای نه دی.

نوموړي د یوې پوښتنې په ځواب کې ویلي: «دا محدودیت زموږ لپاره لرې شوی دی.»

دا څرګندونې څو ورځې وروسته له هغې کېږي، چې د ایران مشر سید مجتبی خامنه‌يي خبرداری ورکړی و، چې د امریکا یا اسرائیل هر ډول ګواښ ته به د ایران ځواب له جغرافیایي محدودیت پرته وي.

د لغمان ولایت په قرغیو ولسوالۍ کې د کابل–جلال‌اباد پر لویه لار د سراچې او زرنج موټرسایکل د ټکر له امله اووه کسان شهیدان او دوه نور ټپیان شوي دي.

د راپورونو له مخې، تر ټکر وروسته دواړه نقلیه وسایط سیند ته لوېدلي دي.

د پېښې د قربانیانو جسدونه او ټپیان د لغمان ولایتي روغتون ته لېږدول شوي دي.