د وسلوال پوځ لوی درستیز فصیح الدین فطرت د دفاعي ځواکونو فراغت غونډه کې نویو روزل شویو ځوانانو ته په خطاب ویلي: «تاسو د دښمنانو په وړاندې خپل چمتووالی ونیسئ او خپل ځواک وښایاست، څو له هر ډول تېري څخه خوندي واوسئ او له خپلې خاورې څخه دفاع وکړئ.»
نوموړي همدا راز زیاته کړې، تل هڅه شوې چې په عصري وسایلو سمبال او په مسلکي زده کړو سمبال اردو جوړه کړو.
ده هغو هېوادوالو ته په اشارې چې د نورو په لمسون افغان خاوره کې د بې ثباتۍ هڅه کوي ویلي، راشئ خپل هیواد کې باعزته ژوند وکړئ او په خبره یې، نور د پردیو په اشارو دلته تخریبي کړنې مه ترسره کوئ او د نورو د ګټو مه ښکار کیږئ.
#باختراژانس
https://x.com/bnapashto

د د چاپېریال ساتنې ادارې لوی رئیس مولوي مطیع الحق خالص وايي، افغانستان په هغو پینځو هېوادونو کې دی چې د نړۍ ګلخانه یي ګازونو متضرر کړی.
نوموړي په "رسنۍ او د افغانستان اقلیمي ډیپلوماسي؛ فرصتونه او ننګونې" علمي کنفرانس کې زیاته کړې، که د نړۍ په کچه دقیقه او هر اړخیزه څېړنه وشي، نو افغانستان د نړۍ د ګلخانه یي ګازونو له امله درېیم هېواد ګڼل کیدای شي، چې ډېر متضرر دی.
تر دې وړاندې نوموړي کاپ ۲۹ مه غونډه کې ویلي و، چې اقلیمي بدلونونه پولې نه پېژني او باید هېوادونه په ګډه اقدام سره د مخنیوي لپاره مټې را بډ وهي.
#باختراژانس
https://x.com/bnapashto

مالیې وزارت تازه لیکلي، په نیمروز او هلمند ولایتونو کې څه باندې ۵۵ ټنه قاچاقي توکي نیول شوي دي.
دغه توکي د ګمرکونو لوی ریاست د ګرځنده څارنې کارکوونکو په تېرو درېیو اوونیو کې داسې مهال نیولي، چې قاچاق کوونکو غوښتل له ګمرکي محصول پرته یې د افغانستان بازارونو ته یوسي.
په دغو توکو کې درمل، پرزې، ټوکر خوراکي او غیر خوراکي مواد شامل دي.
#باختراژانس
https://x.com/bnapashto

د امارتي شرکتونو عمومي ریاست وايي، نن یکشنبه د کابل ښاریانو لپاره په ارزانه بیه او لوړ کیفیت (بادامي او جغلي) د ډبرو سکرو د وېش لړۍ پیلیږي.
د یاد شرکت ویاند محمد نبي بهار وايي، دغه لړۍ د شمال د ډبرو سکرو امارتي شرکت له لوري، د کابل ښاریانو د اړمنو کورنیو د ملاتړ په موخه پیلیږي.
#باختراژانس
https://x.com/bnapashto

د پکتیا والي مولوي عبدالخالق عابد د اسلامي امارت له رئيس الوزراء ملا محمد حسن اخند سره ارګ کې کتلي دي.
ښاغلي عابد له رئیس الوزراء سره کتنه کې د پکتيا ولایت د وضعیت او خلکو غوښتنې مطرح کړې دي.
لیدنه کې رئيس الوزراء د پکتیاوالو د اساسي اړتیاوو د پوره کولو، د عامه خدماتو د پراختیا ډاډ ورکړ او خلکو ته يې د اسانتياوو برابرولو او ټولګټو پروژو پر تطبیق ټینګار کړی دی.
#باختراژانس
https://x.com/bnapashto