*د ټکټر ټېلې د چپه کېدلو له امله ۸ تنو ته مرګ ژوبله اوښتې.*

تیره ورځ، د هلمند ولایت مرکز لښکرګاه لسمې امنيتي حوزي اړوند سرپریکړې سیمه کي د یو تن هېوادوال ټکټر چي ټېله کي یې د کور کډه بار کړي وه، ښځي او ماشومان پکښي سپاره وه، زابر کي د چپه کېدلو له امله ۳ تنه شهیدان او ۵ تنه ټپیان سوي دي.

د امنیه قومندانۍ د مطبوعاتو آمر ملا عزت الله حقاني باختر خبري آژانس ته وویل: چي یاده پېښه په داسي مهال رامنځته سوه چي په یوه عراده ټکټر ټېله کي د کور ګډه بار وه، ۸ تنه نارینه، ښځي او ماشومان پکښي سپاره وه او غوښتل یې چي د خپل کور ګډه د يوي سيمي څخه بلي سيمي ته ولېږدوي چي د لسمې امنيتي حوزې اړوند سرپریکړې سیمه کي د ټکټر ټېلې د چپه کېدو له امله ۸ تنو ته مرګ ژوبله واوښته.

پیښه کي دوه تنه نارينه يوه ښځينه په شهادت رسيدلي او څلور تنه ماشومان او يوه ښځينه زخمیان سوي دي د پیښي ځای ته امنیتي ځواکونو پر وخت رسېدلي او زخميان یې ژغورلي چي فعلاً د زخمیانو روغتیایي حالت د ډاډ وړ دی.

راپور: باختر خبري آژانس/ هلمند

نېټه: ۱۴۴۷/۵/۱۱ هـ ق

هلمند اطلاعاتو او کلتور ریاست!

د هلمند ولایت د شهیدانو او معلولینو چارو ریاست له لوري د یو خیریه بنسټ په همکارۍ هغو ۲۰۰ تنو معلولینو ته چي دواړي پښې یې قطع، مکمل فلج او یا یې ترنامه لاندي برخه فلج وي في نفر یوه عراده ویلچر او ١٠٠٠ افغانۍ د کرایې لپاره توزیع سوې.

*د نادرکۍ اعلان!*

زين الله د مطيع الله زوی د هلمند ولایت مرکز لښکرګاه لوی کارېز اوسېدوونکی دی سر يې خريلی او خړ کالي يې پر تن دي د تېري پنجشنبې راهیسي د خپل کور څخه نادرکه سوی دی.

که یې هر مسلمان ورور په اړه معلومات لري او یا یې هم ليدلی وي د اسلامي او انساني همدرۍ له مخي دي پر لاندي تلیفوني شمېرو اړیکه ونیسي.

د اړیکو شمېرې:

0703679650
0700398418
0775616877

نېټه: ۱۴۴۷/۲/۷ هـ ق

هلمند اطلاعاتو او کلتور ریاست!

لښکرګاه کي بزګرانو ته د پنبې آفتونو مخنیوي په موخه زده کړي ورکول سوې:

د هلمند ولایت کرني، اوبو لګولو او مالدارۍ ریاست د کرنیزو چارو آمریت اړوند د نباتاتو د ساتني او قرنطین عمومي مدیریت مسلکي کارکوونکو له لوري د مرکز لښکرګاه اړوند سرکار سیمه کي بزګرانو ته د پنبې آفتونو مخنیوي په موخه زده کړي ورکول سوې.

په یادو زده کړو کي کروندګرو ته وضاحت ورکړل سو چي پنبه له ګڼ شمېر ناوړو آفتونو سره مخ کیږي، چي د پام وړ اقتصادي زیانونه اړوي.

مسؤلینو کروندګرو ته سپارښتنه وکړه چي د دغو آفتونو د کنټرول لپاره باید پر خپل وخت میخانیکي مبارزه ترسره سي تر څو باکیفیته او له آفتونو څخه پاک حاصلات ترلاسه سي.

راپور: باختر خبري آژانس/ هلمند

نېټه: ۱۴۴۶/١٢/۲۳ هـ ق

هلمند اطلاعاتو او کلتور ریاست!

د بهرامچې له لاري ۷ کورنۍ راستنې او ثبت سوې:

د هلمند ولایت بهرامچې ولسوالۍ له لاري ۷ کورنۍ چي د غړو تعداد یې ۲۹ تنه وو هلمند ته راستنې او ثبت سوې.

د ولایت مقام په مشرۍ د استقبال، ثبت او تثبیت کمېټې له لوري یادو کورنیو ته د هرکلي ویلو ترڅنګ د هغوی د ثبت او تثبیت پروسه اصولي توګه ترسره سوه.

د ولایت مقام ویاند مولوي محمد قاسم ریاض باختر خبري آژانس ته وویل: چي د ترانسپورت ریاست په مشرۍ انتقال کمېټې یادو کورنیو ته دلېږد شرایط برابر کړه، د کلیو بیارغوني او پراختیا ریاست په مشرۍ خدماتي کمېټې په خپله برخه کي اجراات وکړه او مهاجرینو ته یې د خوراک، څښاک او نور اړین مواد چمتو کړه.

د مستوفیت ریاست په مشرۍ مالي کمېټې د هغوی لپاره مالي کومک برخه کي اجراأت وکړه او خدمات یې ترسره کړه، د موقت مېشتېدني کمېټې موقت پنډغالي کي د ځای پر ځای کولو برخه کي لازمي کړني ترسره کړې.

د یادولو ده چي بهرامچې کي د راستنېدونکو مهاجرینو لپاره هر اړخیز خدمات وړاندي کېږي او په دې برخه کي بېلا بېلي کمېټې په خپل اړوند خدمت بوختي دي.

راپور: باختر خبري آژانس/هلمند

نېټه: ۱۴۴۶/۱۲/۲۳ هـ ق

هلمند اطلاعاتو او کلتور ریاست!