یوه مسأله هیله ده چې أهل علم په کې خپل نظر شریک کړي
##نکته
زموږ په ټولنه کې ورور شریک بلل کېږي تر څو یې بیلتون اعلان نه وی کړی
هر ورور مساوي حق اخلي حتی که دا ورور ماشوم هم وي هیڅ ګته یې نه وې کړی.
خو...
داهم شرعي مسأله ده چې د پلار میراث زامنو ته پاتې کېږی یعني که یو زوی د پلار په ژوند کې وفات شي نو لمسیان یې په میراث کې حق نه لری.
مګر ډېری وخت داسې هم شوي چې پلار هیڅ نه لري زامن یې چې لوی شوی په ګډه یې کار کړی بیسې یې ګټلې خو دا ټول د پلار بلل کېږی او ژوندی زامن یې دا مال او جایداد سره تقسیموي او د وفات شوي ورور زامن له دغه جایداد محروموي.
زما خپل نظر خو دادی چې په داسې حالت کې دغه جایداد شریک مال دی وروڼه ټول شریکان بلل کېږي د پلار میراث نه بلل کېږي یوازې د پلار برخه میراث بللی شو نو د وفات شوي ورور زامن د خپل پلار برخه غوښتلی شی ځکه دا شراکت دی نه د پلار میراث
په دې معنی چې پلار هم شریک بلل کېږی د شراکت برخه یې میراث ده نه ټول جایداد.
تاسو څه وایئ؟

#نكته
امریکا هم عجيبه هیواد دی د صومال الهام او د افغانستان عائشه هم کانګرس ته په کې رسي.
د موږ د بامیان مراد علي چې ریاست وغواړي ورته وایو پیت پوزیه د چنګیز اولاده خپل منګولیا ته لاړ شه.
او مزار علي چې زورور شي صرفه نه کوي
د موږ تاریخ هم د یوې کورنۍ تخت ته په رسولو جوړ شوی په وژلو کې صرفه نه ده شوې.... کنې تېر دوه نیم سوه کلن تاریخ کې زرینې ورځې کمې لرو.
محمد غزالي خو یو ځای وایي: که علي او معاویه رضي الله عنهما د جګړې پر ځای تاکنې کړې وی تر جګړو به ښه نه ؤ.
معاویه که د یزید پر ځای واک ته د رسیدو معیارونه ټاکلي وی آیا د امويانو په خلاف به سلهاوو بغاوتونه شوي وی!؟
که عبد الملک بن مروان مقتدره شوری لرلی حجاج به په لکهاوو مسلمانان وژلي وی؟!
احمدشاه بابا که د واک اصول ټاکلي وی ایا لمسیانو به یې د یوه او بل سترګې ایستلې وی.
ولې امریکا دری سوه کاله دوام وکا خو افغانستان په دری سوه کاله کې دری سوه وارې د وینو په توییدو تغییر وکا.
توپير څه دی؟
زما په نظر توپیر په دې کې دی چې دوی خپل اصول وټاکل تر ننه یې عمل پر وکا.
موږ قرآن لرو سنت لرو چې معیاردی خو حکومتولۍ د دوام لپاره د عملي کولو میکانیزم نه لرو.
د الله تعالی تقدیر دا دی چې څه کرې هغه به ریبې.
زما په اند د امریکا د بقاء راز په داخلي جوړښت کې دی، د پښې ښویدو په حالت کې د راجګیدو په وړتیا کې دی.
له غلطۍ په صورت کې د بېرته راګرځیدو او د اشتباه په منلو او په محاسبه کولو کې دی.
په ټولییز ( جمعي )فکر کولو کې دی.
په علمي څیړنو او علمي کدرونو په نازولو کې دی.
آیا اړتیا نه ده چې پښتون هم د تاریخي واکمن په حیث د تاریخي افغانستان د پاتې شوې خاورې د بقاء او د میشتو ولسونو د خپلولو لپاره ډېر لوی ګامونه باید واخلي؟

##نکته پرون مې یوه لیکنه کړې وه ډېر موافق او لږو مخالفت کړی ؤ
یوه ویلي ؤ چې امریکا د یهودو په لاس کې ده او موږ نه پریږدي چې پرمختګ وکړو
دا خبره به ومنو
خو
آیا دا سؤال دې له ځان سره کړی چې ولې شپږ ملیونه یهودان په دوه نیم سوه ملیونو امریکایانو واک چلوي؟
آیا دا سؤال دې له ځان سره کړئ چې ولې امریکا په دې توانیږي چې د موږ د پرمختګ مخه ونیسي
ولې ته په امریکا دومره اغیز نه شی کولی یا ولې ستا هیواد دومره وړتیا نشي پیدا کولی چې د هغوی په هیوادونو کې لاسوهنه وکړي
ولې ستا کدرونه هلته ځي خو ته د هغوی کدرونه نه شي را جذبولی؟
د دې ټولو سؤالونو ځواب همدا دی چې د الهي کٙوْني اصولو پر اساس موږ مخکې نه ځو.
الله تعالی عادل دی د جنت د ګټلو او د دنیا د ګټلو لپاره یې خپل خپل اصول ټاکلي
خپل تقصیر بر بل پورې مه تړئ د پرمختګ لومړی شرط ځان پیژندنه ده، د مرض تشخیص دی بیا علاج.
څه پوه شوی؟!

# #نکته له بلې به مو خبر کړم... افغان فیلسوف صدیق افغان ویلي چې زه د مصنوعي ځیرکتیا پلار یم یعنې د دغه مفکورې لومړی وړاندې کونکی زه یم.
ښه تاسو به یې نه منئ.
زه به بله درته هم ووایم تاسو به د مرحوم صدیق مخترع وردګ نوم اوریدلی وي، کوم اختراعات چې ده دیرش څلویښت کاله پخوا کړي هغه نن د نورو په نامه ثبت شوي دا نه چې له ده یې الهام اخیستی بلکې نورو هیوادونو کې د تشویق او تطویر زمینه شته خو موږ بیا بسخند برې وهو.
یو وخت انجینر نجیمي وردګ صاحب چې اوس امریکا کې دی ویلي و چې زه غواړم بریښنا له مزیو پرته انتقال کړم، نن امریکا کې دا هڅې روانې دي چې بریښنا له مزیو پرته انتقال شي.
زموږ یو بل ملګری حاجي لالا خبیب حبيب غزاوی وردګ کلونه مخکې د بریښنا تولید د موټرو د رفتار څخه د تولید مفکوره لرله څو کاله وروسته په کوم اوروپایی هیواد کې دېته ورته عملیه تطبیق شوه.
نن هم چې کوم ځوان کوم نوښت کولو بیهوده یې مه بولئ تشویقوئ یې.
د اوسنۍ نړۍ مخترعین اکثریت ځوانان دي
کاشکي هیواد کې داسې اداره وی چې اقلا یو سل ميليونه دالر یې بودیجه وی او نوښتګر یې پاللی.
په نړۍ کې خیال پلو نشته هر څه ممکن دي چې حالات ورسره یاري وکا.